SEMANA DA AUGA E DA ÁRBORE.

A semana pasada o alumnado de Infantil e Primaria traballamos temas relacionados ca auga e as árbores. Fixemos un mural entre todos para aprender máis sobre estos temas.

Os alumnos de 6º plantamos un ameneiro en Becerreá que poderemos ver medrar.

PLAN DE CONVIVENCIA.

O pasado martes 14 de marzo, segundo o "Plan Director para a  Convivencia e Mellora da Seguridade nos Centros Educativos e os seus Entornos", personal da Guardia Civil deu unha conferencia aos cursos de 5º e 6º sobre os perigos de Internet, acoso de todo tipo, etc. Dende o claustro queremos agradecer a asistencia dos pais. Moitas grazas.

ALERTA AMARELA

Asunto:	Alerta AMARELA E LARANXA por nevadas os días 22 e 23 de marzo en Galicia
Data:	Martes, 21 Marzo 2017 (17:51:48 CET)
De:	nonresponder@edu.xunta.es
A:	ceip.sanxoan@edu.xunta.es

 Parte de Texto (2 KB)  

Estimado/a director/a,

A Axencia Estatal de Meteoroloxía (AEMET) alerta dun fenómeno meteorolóxico adverso por NEVADAS para os días 22 e 23 de marzo de 2017, que afectarán a tódalas provincias de Galicia.

Ante a devandita situación de risco, a Comisión Escolar de Alertas acordou o seguinte:

1.       A SUSPENSIÓN do TRANSPORTE ESCOLAR por alerta LARANXA, entre as 12:00 horas do día 22 e as 12:00 horas do día 23 de marzo, por acumulación de neve de ata 5 cm de espesor, que afectará as zonas de predición meteorolóxica do Interior da Coruña, do Centro e Sur de Lugo, do Noroeste de Ourense e do Interior de Pontevedra; e entre as 8:00 horas do día 22 e as 12:00 horas do día 23 de marzo, na zona de predición meteorolóxica do Sur de Ourense.

2.       A SUSPENSIÓN do TRANSPORTE ESCOLAR por alerta AMARELA, a partir das 00:00 horas do día 22 e as 12:00 horas do día 23 de marzo, por acumulación de neve de ata 15 cm de espesor, que afectarán as zonas de predición meteorolóxica da Montaña de Lugo e da Montaña de Ourense.

   3. A SUSPENSIÓN das ACTIVIDADES NO EXTERIOR das instalacións dos centros escolares situados nas zonas de predición meteorolóxica indicadas anteriormente (puntos 1 e 2), con seguimento das condicións climáticas.

Para o caso de que as circunstancias da localidade onde se atopa o centro supuxesen un risco superior ao declarado (amarelo/laranxa) e pasase a unha declaración de nivel superior (laranxa/vermello), as direccións poderán adoptar as decisións oportunas respecto da suspensión da actividade docente.

A información meteorolóxica poderá ser consultada a través da páxina web da AEMET (http://www.aemet.es/es/eltiempo/prediccion/avisos?w=mna)

Moitas grazas pola súa colaboración e un saúdo.

Jesús Oitavén Barcala

Secretario xeral técnico da Consellería de Cultura, Educación e Ordenación Universitaria

Xunta de Galicia

DÍA INTERNACIONAL DA MULLER TRABALLADORA.

O día 8 de marzo celebramos o Día Internacional da Muller Traballadora. Cada clase escolleu unha muller galega que destacara nalgún campo e fixo un traballo para expoñer na entrada do colexio. Así podemos aprender algo máis da nosa historia.

EXCURSIÓN.

O martes 7 de marzo os cursos de 5º e 6º visitamos o Mosteiro de Samos e o colexio de Triacastela donde disfrutamos de unha xornada de convivencia con máis colexios da zona. Ademais vimos unha exposición de artesáns de Sarria... Unha xornada distinta, outra maneira de aprender...

O alumnado de 5º fixo un mural sobre o Mosteiro de Samos que está exposto no colexio.

ENTROIDO.

O pasado venres 24 de febreiro celebramos o Entroido no colexio con un desfile das distintas clases e rematando a festa con a degustación de doces típicos acompañados de chocolate. O tema xeral de este ano era a "meteoroloxía" xa que o noso colexio traballa este ano en Meteoescola. Os nenos, e os non tan nenos, pasámolo pipa nesta festa.