Nace un novo espazo web!

Desde hoxe dispoñemos dun novo espazo web que contén toda a información relativa ao desenvolvemento do Programa Educación Responsable.

Podes acceder desde a imaxe ou escribindo o enderezo:

http://ceipsanxoan.wix.com/ed-responsable

Desenvolvemento da celebración do Nadal.

Para este Nadal, levamos traballando un mes no colexio. 

Participamos no Concurso de Postais da FAPACEL, con todas as creacións dos nenos de infantil e primaria. Podes ver todas as postais neste enlace. E na Campaña de Recollida de xoguetes que a ANPA está a realizar. Estas son as instrucións para participar nela.

Noraboa a Aitor Galán, de 3º, gañador pola súa postal.

Xa temos organizado o Mercado Solidario, con produtos realizados polos alumnos en actividades compartidas con outros centros (catalán e portugués). Como sempre, pedímosvos a vosa colaboración, os prezos serán bos e os produtos inmellorables!

O Mercado Solidario terá lugar na mañá do día 18. Se houber excedentes, participaremos no Mercado Solidario da Montaña, que a ANPA, en colaboración con outras da zona, levan a cabo o sábado 19.

Este ano, o noso Nadal é cinematográfico, ao igual que as mensaxes que nel se utilizan. O peso deste séptimo arte estará presente en todos os actos e presidido por unha Exposición de Libros de cine en BiblioLío. 

Preparándonos para o festival, Papá Noel e o seu paxe fannos unha visita o día 17. Eles tamén queren felicitar aos nosos nenos polo moito e ben que estiveron a traballar neste trimestre. Grazas, Papá Noel, por facer unha parada no noso cole, nesta viaxe túa para repartir felicidade!! 

Podes ver todas as imaxes da visita neste enlace.

O venres é día de celebración e acollida. Por iso, temos preparada unha festa estupenda:

Ás 11:30 comeza o Festival de Nadal. O programa de actuacións é:

Este é o vídeo resumo do festival. Nos enlaces que o seguen, podedes acceder a cada unha das actuacións.

3º E.P.: NADAL NO ASCENSOR

1º E.P.: OS TRES REIS MAGOS

2º E.P.: CONTACONTO

E.I.: PANXOLIÑA

4º E.P.: EN BUSCA DE UN ABETO

5º E.P.: KAMISHIBAI

6ºE.P.: DOCTOR MARIANO

COMPARTIR: O remate do festival correu a cargo dun vídeo filmado e editado polo alumnado de 5º e 6º. Nel conflúen os obxectivos para este fin de trimestre dos programas Cine en Curso e Educación Responsable. Amosa aquelas emocións que o noso alumnado e profesorado foron quen de compartir durante este inicio de Nadal e que desde hoxe forma parte dos recordos de toda a Comunidade Educativa, nunha mostra máis de apertura e desexo de participación. A nosa intención era expresar, previa xestión, as emocións que aí se verteran. Porén, o visionado do noso traballo foi un momento de emocións non contidas. Será que cumpriu, entón, o seu fin.

Ao remate do Festival, chega o momento para a convivencia coas familias, mentres disfrutamos duns pinchos no Comedor Escolar.

Accede aquí a todas as imaxes do Festival 

Un Nadal compartido e solidario

Estas datas son sempre un momento óptimo para compartir. Por iso, no noso colexio, organizamos un Mercado Solidario durante o Nadal. É unha ocasión magnífica para crear detalles que se poidan converter en axuda para que a ANPA xestione recursos para quen menos acceso a eles ten.

Para este curso, a decoración de Nadal foi elaborada coa colaboración dos nenos e será posta á venta, igual que outros detalles que os nenos de 1º, 2º e 4º elaboraron. Ten unha dimensión educativa a maiores pois, esta actividade de creación, no caso dos nenos de 2º e 4º vai ser compartida con outros dous centros: o INS La Sénia, en Tarragona e a EBI 1,2,3 Francisco Ornelas de Câmara en Ilha Terceira. O obxectivo desta actividade é a da interacción entre o alumnado e a difusión do Programa eTwinning.

Para o desenvolvemento desta interacción, cada centro organiza obradoiros de plástica nos que se levan a cabo os detalles navideños. Antes, os alumnos preséntanse nunha ferramenta colaborativa (Padlet) e por último avalían a súa participación na actividade. Todo isto estará recollido no TwinSpace da Embaixada eTwinning en Galicia e no seu blogue. 

VÍDEO COAS INSTRUCIÓNS PARA A ELABORACIÓN DAS CANDEAS DE NADAL

VÍDEO COAS INSTRUCIÓNS PARA A ELABORACIÓN DAS BOLAS DE NEVE

VÍDEO COS MELLORES MOMENTOS:

Estes son os vídeos enviados polos nosos compañeiros cataláns e portugueses:

Desde o Instituto La Sénia, chegounos unha invitación para realizar un dos presentes navideños elaborados por outro centro. Así, eles fixeron  as candeas propostas por nós. Os alumnos de Portugal animáronse cunha das opcións de reciclaxe de cápsulas de café e nós fixemos portatarxetas reciclando as mesmas cápsulas, e serán artigos dos que poderedes adquirir no noso mercado solidario.

Para finalizar esta actividade colaborativa cos nosos compañeiros de Tarragona e Ilha Terceira, fixemos un intercambio de postais de nadal e unha pequena mostra de artigos navideños dos elaborados.

Ver todas as imaxes das sesións 

Ver o inicio das actividades de Nadal, no EntreLetras

Ver esta nova publicada no blogue da Embaixada eTwinning

Equipazo!

No xornal "El Progreso" de hoxe, puidemos ler unha enquistado ao porteiro da SD Becerreá, Mito Orol Rodríguez. Tamén foto do equipo de benxamíns na que recoñecemos ademais de Mito, aos nosos compañeiros Dani, Alex e David. 

Parabéns aos catro!

Un planetario no noso colexio

O día 17 de novembro o ximnasio converteuse no espazo sideral. Da man de Eurocosmos, os nosos nenos, nunha actividade organizada colaborativamente con Baralla, As Nogais e o Instituto de Becerreá, puideron facer unha viaxe polo Sistema Solar que veu a completar as súas aprendizaxes na aula.

Durante este mes foron organizadas actividades de aprendizaxe, exposicións temáticas e proxectos didácticos para que o noso alumnado domine este tema.

Educación Responsable. Xa somos centro de ano 2!

Como ben recordaredes, o noso centro foi seleccionado o pasado curso, para ser experiencia piloto na implementación do programa Educación Responsable, da Fundación Botín, que persegue a formación emocional na escola, en relación co desenvolvemento do currículo.

Este ano, xa comezamos as tarefas, que se reparten entre as dúas etapas educativas, abarcando as mesmas dimensións do pasado curso: música, arte, literatura e ferramentas TIC.

Iremos publicando as experiencias!

Solidariedade co pobo francés

Debido aos tristes acontecementos ocurridos no pasado fin de semana en París, alumnado e profesorado do centro solidarízanse coas seguintes accións:

Un minuto de silencio na entrada do luns 16 de novembro.

Escoita da canción Imagine, de John Lennon. Esta é unha das pezas musicais que se están a traballar, en Música, para este Nadal. Verémola nun contexto moito menos festivo, pois tamén foi a seleccionada para ser interpretada, a piano, no espazo devastado polo terrorismo, concretamente, nas portas do teatro Batacán.

A mediodía, antes de baixar ao comedor, escoitamos este tema, Imagine, subtitulado en español. Imagine é un tema considerado oficiosamente o himno da paz mundial.