luns, 25 de febreiro de 2019

Día Internacional da Lingua Galega

O Día Internacional da Lingua Materna foi proclamado pola Conferencia Xeral da UNESCO en novembro de 1999 e celébrase anualmente dende o 21 de febreiro de 2000 cos obxectivos de promover o plurilingüismo e a diversidade cultural



xoves, 21 de febreiro de 2019

A TRADESCOLA ACHEGARÁ A MÚSICA TRADICIONAL ÁS NENAS E NENOS DE BECERREÁ



A TRADESCOLA ACHEGARÁ A MÚSICA TRADICIONAL ÁS NENAS E NENOS DE BECERREÁ

A Tradescola,  xestionada pola Asociación de Gaiteir@s Galeg@s en Lugo, achegarase o vindeiro venres 22 de febreiro ata Becerreá  para realizar unha xornada didáctica de música tradicional para escolares. Amosaranlles ao alumnado os distintos ritmos, instrumentos e melodías protagonistas da música tradicional e popular galega, así como a evolución dos instrumentos e das formacións musicais que progatonizaron a historia da música galega nos últimos séculos. 




mércores, 13 de febreiro de 2019

Día de Rosalía de Catro 2019

A Asociación de Escritoras e Escritores en Lingua Galega (AELG) conmemora un ano máis o Día de Rosalía de Castro.
O 24 de febreiro foi a data de nacemento da autora.

PARTICIPAMOS COA FUNDACIÓN ROSALÍA DE CASTRO (enlace)

#AlboradadeRosalía




xoves, 31 de xaneiro de 2019

Alerta de nivel LARANXA por NEVE durante o día 1 de

 febreiro

Xov, 31/01/2019 - 12:23
A Axencia Estatal de Meteoroloxía e MeteoGalicia alertan dun fenómeno meteorolóxico adverso de nivel LARANXA durante o día 1 de febreiro de 2019, a partires das 00:00 h ata as 18:00 horas, por NEVE con espesores superiores a 20 cm, que afectarán as zonas meteorolóxicas de montaña de Lugo e montaña de Ourense.
Ante a devandita situación de risco, a Comisión Escolar de Alertas acordou o seguinte:
  • 1. A suspensión das ACTIVIDADES DOCENTES nos centros educativos situados nas zonas de predición indicadas (MONTAÑA DE LUGO E MONTAÑA DE OURENSE), durante toda a xornada lectiva, con seguimento das condicións climáticas.
  • 2. A autoridade educativa comunicará esta incidencia ás direccións dos centros escolares afectados, solicitando que leven a cabo esta medida e fagan un seguimento dos partes meteorolóxicos durante a xornada na que se desenvolverá este adverso.
  • 3. Para o caso de que as circunstancias da localidade onde se atopa o centro, supuxesen un risco superior ao declarado e pasase a unha declaración de nivel superior, as direccións poderán adoptar as decisións oportunas respecto da suspensión das actividades extraescolares.

mércores, 30 de xaneiro de 2019

DIA DA PAZ E A NON VIOLENCIA

Dende 1964, para conmemorar a morte de  Gandhi, celébrase o 30 de xaneiro O Día Escolar da Non Violencia e a Paz, recoñecido pola UNESCO en 1993.

Nesta data lémbrase a necesidade da educación para a tolerancia, a solidariedade, o respecto aos Dereitos Humanos, a non violencia e a paz.

(Pomba realizada polo alumnado de infantil e primaria do centro)

martes, 29 de xaneiro de 2019




                                    AVISO


O día 4 de febreiro é festivo local a nivel académico.

martes, 15 de xaneiro de 2019

Visita ao Belén


                       O BELÉN DE BECERREÁ

Os alumnos do CEIP San Xoán de Becerreá dan as grazas e parabéns a Olimpia e Manolo, nosos veciños,  pola bela e minuciosa obra de enxeñería, que con moito mimo e dedicación elaboraron ao longo de varias décadas.
No Nadal estivo exposta ao público nas dependencias do Concello.

O alumnado de 3º, 4º 5º e 6º tamén  fixo a súa visita.